విశాఖ... ’2505’

మరోసారి రికార్డు స్థాయిలో కరోనా కేసులు నమోదు

చికిత్స పొందుతూ మరో 13 మంది మృత్యువాత

విశాఖపట్నం, మే 8 (ఆంధ్రజ్యోతి): జిల్లాలో కొవిడ్‌ వైరస్‌ శరవేగంగా విస్తరిస్తోంది. గత నెలాఖరు నాలుగో వారం నుంచి ప్రతిరోజూ వెయ్యికి పైగా కేసులు నమోదవుతూ వస్తున్నాయి. ఈ నెల ఐదో తేదీన రికార్డు స్థాయిలో 2,293 వచ్చాయి. శనివారం అంతకుమించి...2,505 కేసులు నమోదయ్యాయి. వీటితో మొత్తం కేసుల సంఖ్య 96,125కు చేరుకుంది. శనివారం రాష్ట్రవ్యాప్తంగా చూస్తే విశాఖ జిల్లాలోనే అత్యధిక కేసులు నమోదయ్యాయి. ఈ తరుణంలో ప్రతి ఒక్కరూ అప్రమత్తంగా వుండాలని అధికారులు, వైద్య నిపుణులు సూచిస్తున్నారు. 

12 మంది మృతి: జిల్లాలో అత్యధిక మరణాలు శనివారమే సంభవించాయి. వివిధ ఆస్పత్రుల్లో 12 మంది మృతిచెందినట్టు అధికారులు ప్రకటించారు. వీటితో కొవిడ్‌ మరణాల సంఖ్య 688కు చేరింది.

1185 మంది డిశ్చార్జి: చికిత్స పొంది 1,185 మంది కోలుకున్నారు. వీరిలో మొత్తం రికవరీల సంఖ్య 77,580కు చేరింది. వైరస్‌ నుంచి కోలుకుంటున్న వారి సంఖ్య మెరుగ్గానే ఉండడం కొంత ఉపశమనం కలిగించే అంశంగా వైద్యులు పేర్కొంటున్నారు.