బ్రాహ్మణ సంక్షేమ నిధి ఏర్పాటు ఘనత టీడీపీదే
ABN , First Publish Date - 2021-08-21T05:19:52+05:30 IST
రాష్ట్రంలో తొలిసారిగా బ్రాహ్మణ సంక్షేమ నిధిని ఏర్పాటు చేసిన ఘనత టీడీపీ జాతీయ అధ్యక్షుడు నారా చంద్రబాబునాయుడుకు దక్కుతుందని ఆ పార్టీ విశాఖ పార్లమెంట్ కమిటీ అధ్యక్షుడు పల్లా శ్రీనివాసరావు అన్నారు.
టీడీపీ ‘విశాఖ’ అధ్యక్షుడు పల్లా శ్రీనివాసరావు
గాజువాక, ఆగస్టు 20: రాష్ట్రంలో తొలిసారిగా బ్రాహ్మణ సంక్షేమ నిధిని ఏర్పాటు చేసిన ఘనత టీడీపీ జాతీయ అధ్యక్షుడు నారా చంద్రబాబునాయుడుకు దక్కుతుందని ఆ పార్టీ విశాఖ పార్లమెంట్ కమిటీ అధ్యక్షుడు పల్లా శ్రీనివాసరావు అన్నారు. పార్టీ గాజువాక కార్యాలయంలో శుక్రవారం జరిగిన సమావేశంలో ఆయన మాట్లాడారు. 2014 ఆగస్టు 20న రాష్ట్ర శాసనసభలో బ్రాహ్మణ కార్పొరేషన్ బిల్లును ప్రవేశపెట్టిన రోజును బ్రాహ్మణ దినోత్సవంగా జరుపుకుంటున్నట్టు వివరించారు. ఈ సందర్భంగా చంద్రబాబు చిత్రపటానికి పాలాభిషేకం నిర్వహించారు. ఈ కార్యక్రమంలో బ్రాహ్మణ కార్పొరేషన్ మాజీ చైర్మన్ వేమూరి ఆనందసూర్య, నాయకులు కిరణ్శర్మ, జగన్, కృష్ణ, మూర్తి, చిరంజీవి, సుబ్రహ్మణ్యం పాల్గొన్నారు.