ఫిట్‌నెస్‌ లేని విద్యాసంస్థల బస్సులపై చర్యలు తీసుకోవాలి
ABN , First Publish Date - 2021-12-31T04:24:52+05:30 IST
ఫిట్‌నెస్‌ లేని విద్యాసంస్థల బస్సులపై చర్యలు తీసుకోవాలని గురువారం ఇన్‌చార్జి ఆర్టీవో మురళీమోహన్‌, ఏఎంవీఐ శేషురెడ్డికి ఏబీవీపీ నాయకులు వినతిపత్రం అందజేశారు.
గూడూరు, డిసెంబరు 30: ఫిట్‌నెస్‌ లేని విద్యాసంస్థల బస్సులపై చర్యలు తీసుకోవాలని గురువారం ఇన్‌చార్జి ఆర్టీవో మురళీమోహన్‌, ఏఎంవీఐ శేషురెడ్డికి ఏబీవీపీ నాయకులు వినతిపత్రం అందజేశారు. ఈ సందర్భంగా ఆ సంస్థ నాయకుడు మనోజ్‌కుమార్‌ మాట్లాడుతూ ఫిట్‌నెస్‌ లేని కారణంగా విద్యాసంస్థలకు చెందిన బస్సులు తరచూ ప్రమాదాల పాలవుతున్నాయన్నారు. కార్యక్రమంలో చిన్నా, కాశీరామ్‌, చరణ్‌, ప్రవీణ్‌ పాల్గొన్నారు. ఇదే సమస్యపై టీఎన్‌ఎస్‌ఎఫ్‌ సబ్‌కలెక్టర్‌ కార్యాలయం వద్ద ధర్నా నిర్వహించింది. ఈ సందర్భంగా ఆసంస్థ రాష్ట్ర కోఆర్డినేటర్‌ వెంకటేష్‌ మాట్లాడుతూ ప్రైవేటు విద్యాసంస్థల యాజమాన్యాలు వాహనాల ఫిట్‌నెస్‌పై నిర్లక్ష్యంగా వ్యవహరిస్తున్నాయన్నారు. శశికుమార్‌, నవీన్‌చంద్ర, ప్రసాద్‌, మహేష్‌, సాయితేజ, సాయి, కిషోర్‌ తదితరులు పాల్గొన్నారు.
