బాలుడి అదృశ్యంపై ఫిర్యాదు
ABN , First Publish Date - 2021-10-21T03:31:56+05:30 IST
పిండిమర దగ్గరకు వెళ్లిన తమ కుమారుడు ఇంటికి తిరిగి రాలేదంటూ స్థానిక సొసైటీ ప్రాంతానికి చెందిన కట్టా రాజ్‌కుమార్‌ మంగళవారం రాత్రి ఒకటో పట్టణ పోలీసులకు ఫిర్యాదు చేశారు.
గూడూరు, అక్టోబరు 20: పిండిమర దగ్గరకు వెళ్లిన తమ కుమారుడు ఇంటికి తిరిగి రాలేదంటూ స్థానిక సొసైటీ ప్రాంతానికి చెందిన కట్టా రాజ్‌కుమార్‌ మంగళవారం రాత్రి ఒకటో పట్టణ పోలీసులకు ఫిర్యాదు చేశారు. రాజ్‌కుమార్‌ రెండో కుమారుడు ద్వారకేష్‌ పట్టణంలోని ఓ ప్రైవేటు పాఠశాలలో 9వ తరగతి చదువుతున్నాడు. మంగళవారం సాయంత్రం 7.30 గంటలకు పిండి ఆడించుకుని వచ్చేందుకు సైకిల్‌పై తమ ఇంటికి సమీపంలోని ఓ దుకాణం వద్ద వెళ్లాడు. గంటసేపు గడిచినా బాలుడు తిరిగి రాకపోవడంతో అతనిని తండ్రి వెళుతుండగా, అక్కడే ఉన్న పార్కు సమీపంలో ద్వారకేష్‌ సైకిల్‌, పిండిదబర కనిపించాయి. బాలుడి కోసం చుట్టుపక్కల వెతికినా అచూకీ లభించకపోవడంతో ఒకటో పోలీసులకు ఫిర్యాదు చేశాడు.
