ప్రతి కుటుంబానికి ఆనందయ్య మందు!
ABN , First Publish Date - 2021-07-11T03:33:27+05:30 IST
వెంకటగిరి నియోజకవర్గంలోని అన్నీ కుటుంబాలకు ఇళ్ల వద్దే ఆనందయ్య మందు అందిస్తామని వెంకటగిరి ఎమ్మెల్యే ఆనం రామనారాయణరెడ్డి ప్రకటించారు.
రాపూరు, జూలై 10: వెంకటగిరి నియోజకవర్గంలోని అన్నీ కుటుంబాలకు ఇళ్ల వద్దే ఆనందయ్య మందు అందిస్తామని వెంకటగిరి ఎమ్మెల్యే ఆనం రామనారాయణరెడ్డి ప్రకటించారు. పెంచలకోన క్షేత్రంలో శనివారం ఆయనజన్మదిన వేడుకలను ఘనంగా నిర్వహించారు. ఈసందర్భంగా ఎమ్మెల్యే అనుచరులతో కలసి కరోనా మందు డబ్బాలతో శ్రీవారి ఆలయ గిరి ప్రదక్షిణలు చేశారు. ఆలయ అధికారులు ఆలయ మర్యాదలతో స్వాగతం పలికారు. శ్రీవార్లను దర్శించుకున్న అనంతరం రాపూరు మండలంలోని నాయకులకు మందు డబ్బాలను అందించారు. ప్రతీ ఇంటికీ మందు పంపిణీ చేయాలని కోరారు. ఎన్డీసీసీ బ్యాంకు డైరెక్టరు చెన్ను బాలకృష్ణారెడ్డి, ఆనం తనయ కైవల్య, వైసీపీ నాయకులు ఆనం రంగమయూరరెడ్డి, కలిమిలి రాంప్రసాద్రెడ్డి, శ్రీకిరెడ్డి శశిధర్రెడ్డి తదితరులు పాల్గొన్నారు.
