అత్యాచారయత్నం
ABN , First Publish Date - 2021-01-28T05:33:31+05:30 IST
కర్నూలు ప్రభుత్వ ఆసుపత్రిలో ఔట్ సోర్సింగ్ కింద పని చేస్తున్న ఓ ఉద్యోగినికి మద్యం తాపించి.. అత్యాచార యత్నం ఘటన ఆలస్యంగా వెలుగులోకి వచ్చింది.
కర్నూలు(హాస్పిటల్), జనవరి 27: కర్నూలు ప్రభుత్వ ఆసుపత్రిలో ఔట్ సోర్సింగ్ కింద పని చేస్తున్న ఓ ఉద్యోగినికి మద్యం తాపించి.. అత్యాచార యత్నం ఘటన ఆలస్యంగా వెలుగులోకి వచ్చింది. మంగళవారం మధ్యాహ్నం నలుగురు ఔట్ సోర్సింగ్ ఉద్యోగులు ఫుల్గా మద్యం సేవించారు. మరో మహిళా ఉద్యోగికి మద్యం తాపించి అత్యాచార యత్నం చేశారు. మద్యం మత్తు నుంచి తేరుకున్న ఆ మహిళా ఉద్యోగి ప్రతిఘటించింది. తన దగ్గర ఉన్న రూ.15 వేలు చోరీకి గురవుతున్నట్లు బాధితురాలు గుర్తించింది. ఘటనపై బాధితురాలు ఆసుపత్రి సూపరింటెండెంట్కు, అవుట్ పోలీస్స్టేషన్, సంబంధిత ఏజెన్సీకి ఫిర్యాదు చేసింది. బాధితురాలి ఫిర్యాదు మేరకు ఆసుపత్రి సూపరింటెండెంట్ విచారణకు ఆదేశించారు.
