అనుమతులుంటే రిజిస్ట్రేషన్‌ చేయాలి
ABN , First Publish Date - 2021-05-19T05:04:21+05:30 IST
నగరపాలక సంస్థ పరిధిలోని లేఅవుట్లకు కార్పొరేషన్‌ అనుమతులు ఉంటేనే రిజిస్ట్రేషన్‌ చేయాలని మేయర్‌ సురే్‌షబాబు పేర్కొన్నారు.
మేయర్‌ సురే్‌షబాబు
కడప(ఎర్రముక్కపల్లె), మే 18: నగరపాలక సంస్థ పరిధిలోని లేఅవుట్లకు కార్పొరేషన్‌ అనుమతులు ఉంటేనే రిజిస్ట్రేషన్‌ చేయాలని మేయర్‌ సురే్‌షబాబు పేర్కొన్నారు. కార్పొరేషన్‌ మేయరు ఛాంబరులో మంగళవారం ఇన్‌చార్జ్‌ కమిషనర్‌ బాబురావు అధ్యక్షతన సబ్‌రిజిస్ట్రార్లు (అర్బన్‌, రూరల్‌), టౌన్‌ ప్లానింగ్‌ అధికారులతో సమావేశం నిర్వహించారు. ఈ సందర్భంగా మాట్లాడుతూ నగరంలో దాదాపు 180కి పైగా అనధికార లేఅవుట్లు ఉన్నాయని, కార్పొరేషన్‌ క్లియరెన్స్‌ లేకుంటే రిజిస్ట్రేషన్‌ చేయకూడదని సూచించారు. దీనిపై ప్రభుత్వం కూడా జీవో విడుదల చేసిన విషయాన్ని గుర్తు చేశారు. కార్యక్రమంలో టౌన్‌ ప్లానింగ్‌ సిబ్బంది పాల్గొన్నారు.
