సంప్రదాయం ఉట్టి పడేలా...
ABN , First Publish Date - 2021-04-14T05:37:17+05:30 IST
ఉగాది పండుగను పురస్కరించుకుని ఎస్పీ కేకేఎన్ అన్బురాజన్, జిల్లాలోని పలువురు పోలీసు అధికారులు, సిబ్బంది సంప్రదాయ దుస్తులు ధరించారు.
పంచెకట్టులో ఎస్పీ, పోలీసు అధికారులు
కడప(క్రైం), ఏప్రిల్ 13: ఉగాది పండుగను పురస్కరించుకుని ఎస్పీ కేకేఎన్ అన్బురాజన్, జిల్లాలోని పలువురు పోలీసు అధికారులు, సిబ్బంది సంప్రదాయ దుస్తులు ధరించారు. మంగళవారం చిన్నచౌకు పోలీసుస్టేషన్లో కడప డీఎస్పీ సునీల్తో కలిసి ప్రత్యేక పూజలు నిర్వహించారు. ఈ సందర్భంగా ఎస్పీ మాట్లాడుతూ తెలుగు సంస్కృతీ సంప్రదాయాలను ప్రతిబింబించేలా ఉగాది సంబరాలు జరుపుకోవడం జరుగుతుందన్నారు. ఉగాదికి ఎంతో ప్రత్యేకం ఉందని, గ్రామాల్లో ఉత్సవాలు కన్నులపండువగా జరుపుకుంటున్నారన్నారు. ప్రజలు సుఖ సంతోషాలతో ఎల్లవేళలా ఉండాలని ఆకాంక్షించారు. కరోనా వ్యాప్తి ఉన్న నేపధ్యంలో ప్రతి ఒక్కరూ భౌతిక దూరం పాటించడంతో పాటు మాస్కులు, శానిటైజర్లు వినియోగించాలని సూచించారు. కార్యక్రమంలో చిన్నచౌకు సీఐ అశోక్రెడ్డి, రిమ్స్ సీఐ నాగభూషణం, అర్బన్ సీఐ మహ్మద్ ఆలీ, ఎస్ఐ అమర్నాధరెడ్డి, సత్యనారాయణ, సిబ్బంది పాల్గొన్నారు. అలాగే వన్టౌన్ పోలీసుస్టేషన్లో సీఐ సత్యనారాయణ, ట్రాఫిక్ పోలీస్స్టేషన్లో సీఐలు శ్రీనివాసులరెడ్డి, శ్రీధర్నాయుడు ఆధ్వర్యంలో ప్రత్యేక పూజలు చేశారు.