సాగర్‌ నీటి సమాచారం

విజయపురిసౌత, అక్టోబరు 21: నాగార్జున సాగర్‌ నీటిమట్టం గురువారం నాటికి 589.70 అడుగులు(311.14 టీఎంసీలు) ఉంది. కుడి కాలువ ద్వారా 9767, ఎడమకాలువ ద్వారా 7436, ప్రధాన జలవిద్యుత కేంద్రం ద్వారా 33,698,  ఎస్‌ఎల్‌బీసీ ద్వారా 1800, వరద కాలువ ద్వారా 400 మొత్తం ఔట్‌ఫ్లో 53,101 క్యూసెక్కులు నీటిని విడుదల చేస్తున్నారు. మొత్తం ఇనఫ్లో 53,101 క్యూసెక్కుల నీరు వచ్చి చేరుతోంది. శ్రీశైలం నీటిమట్టం 882.50 అడుగులుంది. జూరాల నుంచి 14,101, రోజా నుంచి 2198, హంద్రి ద్వారా 2026 మొత్తం ఇనఫ్లో 18,325 క్యూసెక్కుల నీరు శ్రీశైలానికి వచ్చి చేరుతోంది. 

ప్రకాశం బ్యారేజి దిగువకు.. 

తాడేపల్లి టౌన్‌: ప్రకాశం బ్యారేజి వద్ద వరద ఉధృతి కొనసాగుతుంది. ఎగువ నుంచి గురువారం సాయంత్రానికి 49 వేల క్యూసెక్కుల వరద నీరు ఇన్‌ఫ్లోగా వచ్చి చేరుతున్నట్టు జలవనరుల శాఖ జేఈ దినేష్‌ తెలిపారు. తూర్పు, పశ్చిమ డెల్టా కాలువలకు 15వేల500 క్యూసెక్కుల నీటిని విడుదల చేస్తున్నట్టు తెలిపారు. రిజర్వాయర్‌ వద్ద 12 అడుగుల నీటిమట్టం నమోదవుతుండగా 45 గేట్లను 1 అడుగు వంతున ఎత్తి 33వేల500 క్యూసెక్కుల వరద నీటిని దిగువకు విడుదల చేస్తున్నట్టు తెలిపారు.