రేపు మహాసభ జయప్రదం చేయాలి

ఏఐఎ్‌ఫటీయూ జిల్లాశాఖ కన్వీనర్‌ సతీష్‌ 

భానుగుడి (కాకినాడ), మార్చి 21: అఖిల భారత కార్మిక సంఘాల సమాఖ్య (ఏఐఎ్‌ఫటీయూ) ఆధ్వర్యాన మంగళ వారం కాకినాడ సూర్యకళామందిరంలో జరిగే మహాసభను జయప్రదం చేయాలని జిల్లాశాఖ కన్వీనర్‌ ఆర్‌.సతీష్‌ కోరారు. ఏఐఎ్‌ఫటీయూ ఆధ్వర్యాన రైతుబజార్‌ వద్ద సాంస్కృతిక మండలి ఆదివారం ప్రచార జాత నిర్వహించారు. ఈ సందర్భంగా ఆయన మాట్లాడుతూ రోజురోజుకు పెరుగుతున్న నిత్యావసర ధరలు, పెట్రోల్‌, డీజిల్‌ ధరలను నియంత్రించాలన్నారు. పెరిగిన ధరలకు అనుగుణంగా కార్మికుల జీతభత్యాలను పెంచాలని డిమాండ్‌ చేశారు. ఈ కార్మికుల మహాసభలో పాల్గొనేందుకు కామ్రేడ్‌ విమలక్క విచ్చేస్తున్నారని తెలిపారు. ఈ సందర్భంగా జానపద కళాకారులు నిత్యావసర ధరల పెంపుపై నిరుపేదలు పడుతున్న ఇబ్బందులను ప్రచార జాతలో ప్రదర్శించారు.