తెరచుకున్న థియేటర్లు
ABN , First Publish Date - 2021-12-26T05:49:30+05:30 IST
మదనపల్లె పట్టణంలో అన్ని థియేటర్లు తెరచుకున్నాయి. తహసీల్దార్‌ సీకే శ్రీనివాసులు థియేటర్లను పరిశీలించి ప్రభుత్వం నిర్ణయించిన ధరల ప్రకారమే టికెట్లు, తినుబండారాలను విక్రయించాలని సూచించారు.
మదనపల్లె టౌన్‌, డిసెంబరు 25: పట్టణంలో అన్ని థియేటర్లు తెరచుకున్నాయి. పట్టణంలోని ఏడు సినిమా థియేటర్లను బి-ఫాం లైసెన్సులు రెన్యువల్‌ చేయని కారణంగా గురువారం సబ్‌కలెక్టర్‌ జాహ్నవి సీజ్‌ చేసిన విషయం విదితమే. దీంతో థియేటర్‌ యజమానులు ఏడు రకాల సర్టిఫికెట్లను సబ్‌కలెక్టరేట్‌లో అందజేయగా, వాటిని పరిశీలించి ఒక్కో థియేటర్‌కు రూ.36 వేల అపరాధ రుసుం విధించి తెరుచుకోవడానికి అనుమతి ఇచ్చారు. ఈ క్రమంలో శనివారం పట్టణంలోని అన్ని థియేటర్లు తెరచుకున్నాయి. తహసీల్దార్‌ సీకే శ్రీనివాసులు థియేటర్లను పరిశీలించి ప్రభుత్వం నిర్ణయించిన ధరల ప్రకారమే టికెట్లు, తినుబండారాలను విక్రయించాలని సూచించారు.
