విధి నిర్వహణలో ఉత్తమ సేవలు అందించాలి
ABN , First Publish Date - 2020-12-16T04:08:24+05:30 IST
ఇటీవల జిల్లాకు వచ్చిన నూతన పోలీస్ సిబ్బంది విధి నిర్వహణలో ప్రజలకు ఉత్తమమైన సేవలను అందించి శాఖ పేరుప్రతిష్ఠలను పెంచాలని ఎస్పీ చేతన అన్నారు.
నారాయణపేట క్రైం, డిసెంబరు 15 :ఇటీవల జిల్లాకు వచ్చిన నూతన పోలీస్ సిబ్బంది విధి నిర్వహణలో ప్రజలకు ఉత్తమమైన సేవలను అందించి శాఖ పేరుప్రతిష్ఠలను పెంచాలని ఎస్పీ చేతన అన్నారు. మంగళవారం జిల్లా పోలీసు కార్యాలయంలో సిబ్బందితో ఇంటరాక్టివ్ సెషన్ కార్యక్రమం నిర్వహించి సిబ్బంది విద్యార్హతలు, విధి నిర్వహణ బాధ్యతలను అడిగి తెలుసుకొని సూచన లు, సలహాలను అందించారు. మహిళా పోలీస్ సిబ్బందికి ఏమైనా సమస్యలు ఉంటే జిల్లా స్థాయిలో ఇంటర్నల్ కంప్లెంట్ కమిటీని ఏర్పాటు చేశామని, ఈ కమిటీకి తమ సమస్యలు నేరుగా చెప్పుకోవచ్చన్నారు. జిల్లా స్థాయి ఇంటర్నల్ కంప్లెంట్ కమిటీ చైర్మన్గా ఎస్పీ, సభ్యులుగా అడిషనల్ ఎస్పీలతో పాటు మరి కొంత మంది సభ్యులుగా ఉంటారని పేర్కొన్నారు. సమావేశంలో ఆర్ఐ కృష్ణ య్య, ఎస్బీ ఎస్ఐ వెంకటేశ్వర్లు, మహిళా పోలీస్ సిబ్బంది పాల్గొన్నారు.
