మునిసిపల్‌ చైర్మన్‌ ఫేస్‌బుక్‌ అకౌంట్‌ హ్యాక్‌
ABN , First Publish Date - 2020-06-18T10:56:16+05:30 IST
పాలమూరు మునిసిపల్‌ చైర్మన్‌ కోరమోని నర్సింహులు ఫేస్‌బుక్‌ అకౌంట్‌ను హ్యాక్‌ చేశారు. ఆయన ఫొటోతో ఆయనే
అకౌంట్‌లో డబ్బులు వేయాలని మెసేజ్‌
మహబూబ్నగర్ క్రైం, జూన్‌17: పాలమూరు మునిసిపల్‌ చైర్మన్‌ కోరమోని నర్సింహులు ఫేస్‌బుక్‌ అకౌంట్‌ను హ్యాక్‌ చేశారు. ఆయన ఫొటోతో ఆయనే పంపినట్లుగా ఫేస్‌బుక్‌లో ఉన్న కొందరికి మెసెంజర్‌ ద్వారా తనకు అర్జంట్‌గా డబ్బులు అవసరం అయ్యాయని, రూ.50-60 వేలు పంపాలని మెసేజ్‌ పెట్టారు. డబ్బులు ఫోన్‌పే, గూగుల్‌పే ద్వారా పంపించాలంటూ ఫోన్‌ నంబర్‌ ఇచ్చారు. మెసేజ్‌ హిందీలో చేశారు. ఈ మెసేజ్‌లు చూసిన కొందరికి అనుమానం కలిగి చైర్మన్‌ దృష్టికి తీసుకెళ్లారు. ఆయన తన సహాయకుడు రామకృష్ణ ద్వారా రూరల్‌ పోలీస్‌ స్టేషన్‌లో ఫిర్యాదు చేయించాడు. కేసు దర్యాప్తు చేస్తున్నట్లు ఎస్సై రమేష్‌ తెలిపారు. హ్యాక్‌ చేసిన వ్యక్తి ఇతర రాష్ట్రాలకు చెందిన వ్యక్తిగా అనుమానిస్తున్నారు. ఎవరూ డబ్బులు పంపలేదని తెలుస్తోంది.
