ఫేస్బుక్లో మరో సరికొత్త ఫీచర్.. ఫ్రెండ్స్తో కలిసి ఒకే స్క్రీన్పై వీడియోలు చూసే అవకాశం!
ABN , First Publish Date - 2020-09-15T01:36:12+05:30 IST
సోషల్ మీడియా దిగ్గజం ఫేస్బుక్ మరో సరికొత్త ఫీచర్తో ముందుకొచ్చింది. మెసేంజర్ యాప్ ద్వారా స్నేహితులందరూ కలిసి
బెంగళూరు: సోషల్ మీడియా దిగ్గజం ఫేస్బుక్ మరో సరికొత్త ఫీచర్తో ముందుకొచ్చింది. మెసేంజర్ యాప్ ద్వారా స్నేహితులందరూ కలిసి వీడియోలను వీక్షించే అవకాశం కల్పించింది. ఇందుకోసం ‘వాచ్ టుగెదర్’ అనే ఫీచర్ను తీసుకొచ్చింది. వీడియో కాల్ ద్వారా 8 మంది స్నేహితులను యాడ్ చేసుకునే అవకాశాన్ని ఈ ఫీచర్ కల్పిస్తుంది. వీడియో కాన్ఫరెన్సింగ్ టూల్ మెసెంజర్ రూమ్స్ ద్వారా 50 మందిని యాడ్ చేసుకోవచ్చు.
జూమ్ వీడియో కమ్యూనికేషన్స్ను ఎదుర్కొనే ఉద్దేశంతో ఈ ఏడాది జులైలోనే ఈ టూల్ను ఫేస్బుక్ అందుబాటులోకి తెచ్చింది. కరోనా మహమ్మారి కారణంగా ఇంటికే పరిమితమైన లక్షలాది మందిని చేరుకునే ఉద్దేశంతో ఈ ఫీచర్ను తీసుకొచ్చింది. కాగా, నెట్ఫ్లిక్స్లోనూ ఫేస్బుక్ ‘వాచ్ టుగెదర్’ లాంటి ఫీచరే ఉంది. ‘నెట్ఫ్లిక్స్ పార్టీ’ పేరుతో దీనిని ప్రారంభించింది. ఒకే స్క్రీన్పై ఒకే సినిమాను పలువురు చూసేందుకు ఈ ఫీచర్ సాయపడుతుంది.
