7 రోజులుగా జరుగుతోంది ఇదా! మహిళ చెవిలోకి చూసి డాక్టరు షాక్!

బీజింగ్: మహిళ చెవిని పరీక్షిస్తూ డాక్టరు తీసిన ఓ వీడియో ప్రస్తుతం నెట్టింట్లో వైరల్ అవుతోంది. పూర్తి వివరాల్లోకి వెళితే.. సించువా ప్రావిన్స్‌కు చెందిన ఓ మహిళ ఇటీవల చెవినొప్పితో డాక్టరు దగ్గరికి వెళ్లింది. వారం రోజులుగా చెవిలో పోటు వస్తోందని, ఏదో కుడుతున్నట్టు ఉందని డాక్టరుకు చెప్పింది. మహిళను పరీక్షించన డాక్టరుకు మరింత స్పష్టత కోసం ఆమెకు ఓటోస్కోపీ చేశారు. ఆ సందర్భంలో కినిపించిన దృశ్యాలు డాక్టర్లనే ఆశ్చర్యంలో ముంచెత్తాయి. చెవిలో తెల్లని దారపు ఉండ వెనకాల ఓ సాలీడు దాక్కుని అప్పుడూ బయటకు వస్తూ వారికి కనిపించింది. దీంతో వారం రోజులుగా ఆ సాలీడు చెవిలో మకాం వేసి గూడు కట్టుకుంటోందని డాక్టరు అర్థమైంది. విషయం పూర్తిగా అర్థమవడంతో డాక్టరు.. మహిళ చెవిల కొన్ని మందు చుక్కలు వేసి సాలీడు అచేతనం అయ్యేలా చేశాడు. ఆ తరువాత దాన్ని బయటకు తొలిగించాడు. అయితే చికిత్స సందర్భంగా తీసిన వీడియో ప్రస్తుతం సోషల్ మీడియాలో వైరల్ అవుతోంది.