100వ పుట్టినరోజుకు ముందు కరోనాతో వృద్ధురాలు మృతి

హౌరా: కరోనా వైరస్ వృద్ధుల పాలిట ప్రాణాంతకంగా మారుతోంది. పశ్చిమ బెంగాల్‌కు చెందిన భవతారిణీ సమంత తన 100వ పుట్టినరోజును నెల రోజుల్లో చేసుకోనుంది. అయితే ఇంతలోనే ఆమెకు కరోనా సోకింది. చికిత్స పొందుతూ కన్నుమూసింది. సమంతకు 99 ఏళ్ల, 11 నెలలు. కరోనా సోకడంతో సమంత నవంబరు 24న కోవిడ్-19 ఆసుపత్రిలో చేరింది. ఈ సందర్భంగా ఆసుప్రతి హెడ్ శుభాశీష్ మిత్రా మాట్లాడుతూ భవతారిణీ సమంతకు తమ వైద్య బృందం మెరుగైన చికిత్స అందించిందన్నారు. అలాగే ఆమెను 100 వ పుట్టినరోజులోపునే ఇంటికి పంపించాలనుకున్నామన్నారు. అయితే ఇంతలోనే ఆమె ఆరోగ్య పరిస్థితి విషమించి మృతి చెందిందన్నారు.