యువతి కడుపులో 4 అడుగుల పాము! అర్థరాత్రి దూరిదంటూ..
ABN , First Publish Date - 2020-09-01T20:17:00+05:30 IST
ఈ మధ్య రష్యాలో ఓ విచిత్రమైన, ఏ మాత్రం నమ్మశక్యం కానీ ఉదంతం జరిగింది. ఇందుకు సంబంధిచి వీడియో ఒకటి ప్రస్తుతం వైరల్ అవుతోంది.
మాస్కో: ఈ మధ్య రష్యాలో ఓ విచిత్రమైన, ఏ మాత్రం నమ్మశక్యం కానీ ఉదంతం జరిగింది. ఇందుకు సంబంధించి వీడియో ఒకటి ప్రస్తుతం సోషల్ మీడియాలో వైరల్ అవుతోంది. మ్యాటరేంటంటే.. ఓ యువతి కడుపులో నుంచి డాక్టర్లు నాలుగు అడుగుల పామును వెలికి తీశారు. తన కడుపులో పాము ఎట్లా దూరిందో తనకు ఏ మాత్రం తెలీదని యువతి చెప్పుకొచ్చింది. అర్థరాత్రి ఆమె గాఢ నిద్రలో ఉండగా పాము ఆమె కడుపులోకి చేరి ఉంటుందని వారు భావిస్తున్నారు. ఈ ఉదంతం ప్రస్తుతానికి ఓ పజిల్లా మారింది. అయితే..ఘటన జరిగిన మరుసటి రోజు ఉదయం కడుపులో ఏదో ఇబ్బందిగా ఉండటంతో ఆమె ఆస్పత్రికి వెళ్లింది.
యువతిని పరీక్షించిన డాక్టర్లకు ఆమె కడుపులో ఏదో వస్తువు ఉన్నట్టు అర్థమైంది. ఆ తరువాత.. ఓ గట్టం ద్వారా ఆ వస్తువును బయటకు లాగిన డాక్టర్లకు వాంతి వచ్చినంత పనైంది. కారణం.. వారు బయటకు లాగిన వస్తువు.. ఓ పాము. ఆమె నోటి గుండా పామును బయటకు లాగుతుండగా చిత్రీకరించిన వీడియో ఒకటి ప్రస్తుతం నెట్టింట్లో వైరల్ అవుతోంది.
