ఏ ఖండం... ఎక్కడ?

ఇంట్లోనే సరదాతోపాటు మెదడుకు పదును పెట్టే ఆటలను ఎంచుకుంటే టైం ఇట్టే గడిచిపోతుంది. ఇంకెందుకాలస్యం... ఈ యాక్టివిటీని ట్రై చేయండి.

కావలసినవి

1. పెద్ద షీట్‌
2. మార్కర్‌
3. కత్తెర
4. పేపర్‌ పిన్నులు 
5. చిన్న కాగితం ముక్కలు

ఇలా చేయండి!

1. షీట్‌పై ప్రపంచ పటాన్ని గీయండి. అందులో ఏడు ఖండాలు, వాటి పేర్లు రాయండి. అవసరమైతే ఇందుకోసం మీ పుస్తకాలు చూడండి. స్మార్ట్‌ఫోన్‌లో, కంప్యూటర్‌లో వరల్డ్‌మ్యాప్‌ పెట్టుకొని కూడా గీయొచ్చు.
2. పటం గీయడం పూర్తయ్యాక ఒక చోట వేలాడదీయండి. 
3. కాగితం ముక్కలపై ఖండాల పేర్లు రాసి ఒక చిన్న ప్లాస్టిక్‌ బౌల్‌లో వేయండి.
4. ఒక్కొక్కరు ఒక్కో పేపరు తీయాలి. ముందుగా పేపర్‌ తీసిన వ్యక్తిని అందులో రాసి ఉన్న ఖండం పేరు చదువుకొమ్మని చెప్పాలి.
5. తరువాత అతని కళ్లకు గంతలు కట్టి, రెండు మూడుసార్లు గుండ్రంగా తిప్పి వదిలిపెట్టాలి. 
6. అతను చూడకుండా పటంపై సరైన చోట పిన్‌తో పేపర్‌ను గుచ్చాలి.
7. ఈ యాక్టివిటీ వల్ల ఖండాలు, అవి ఉన్న ప్రదేశాలను సులభంగా నేర్చుకోవచ్చు.