Live
TV
ఈ ఇంటిని మడత పెట్చొచ్చు!
ABN , First Publish Date - 2020-12-19T05:30:00+05:30 IST
ఇల్లు కట్టాలంటే పునాదులు తీయాలి. గోడలు కట్టాలి. మొత్తంగా కొన్ని నెలలు శ్రమిస్తే గానీ ఇల్లు పూర్తిగాదు. కానీ ఈ ఇంటిని మాత్రం మూడు గంటల్లోనే కట్టేయవచ్చు.
ఇల్లు కట్టాలంటే పునాదులు తీయాలి. గోడలు కట్టాలి. మొత్తంగా కొన్ని నెలలు శ్రమిస్తే గానీ ఇల్లు పూర్తిగాదు. కానీ ఈ ఇంటిని మాత్రం మూడు గంటల్లోనే కట్టేయవచ్చు. అంతేకాదు ఈ ఇల్లును ఎక్కడికంటే అక్కడికి వెంట తీసుకెళ్లవచ్చు. ఈ ఫోల్డబుల్‌ హౌజ్‌ విశేషాలు ఇవి.
ఈ ఇల్లుకు పునాది అవసరం లేదు. ఎప్పుడైనా ఎక్కడికైనా తీసుకెళ్లవచ్చు. లోపల సదుపాయాలకూ కొదవ లేదు. మామూలు ఇంట్లో ఉండే అన్ని సదుపాయాలు ఇందులోనూ ఉంటాయి.
బ్రెటా హౌజ్‌ అని పిలిచే ఈ ఇంటి నిర్మాణం ఆలోచన జెన్నాడి బకునిన్‌ అనే వ్యక్తిది. మడత పెట్టడానికి వీలుండే ఈ ఇల్లు 8 వారాల్లో పూర్తవుతుంది. మూడు గంటల్లోనే గోడలు, కిటికీలు, తలుపులు, పై కప్పును క్రేన్‌ సహాయంతో చకచకా బిగించేస్తారు.
ఈ ఇంటి నిర్మాణంలో లామినేటెడ్‌ టింబర్‌ ఉపయోగించారు.
20 నుంచి 50 చదరపు మీటర్ల విస్తీర్ణంలో ఉండే వీటిలో ప్రస్తుతం మూడు రకాల డిజైన్లు అందుబాటులో ఉన్నాయి.
ప్రస్తుతం 70 చదరపు మీటర్ల ఇంటి డిజైన్‌ను రూపొందించే పనిలో ఉన్నారు బకునిన్‌.
