శృంగార సమయంలోనూ మాస్క్ తప్పనిసరి: కెనడా డాక్టర్

ఒట్టావా: కరోనా నేపథ్యంలో ఇంటా-బయట మాస్క్ పెట్టుకోమని ప్రభుత్వం పదే పదే చెబుతూనే ఉంది. అయితే శృంగార సమయంలో కూడా మాస్క్ తప్పనిసరి అంటున్నారు కెనడాకు చెందిన ఛీఫ్ మెడికల్ ఆఫీసర్ డాక్టర్ థెరెసా టాం. అంతే కాదండోయ్.. ఆ సమయంలో ముద్దు పెట్టుకోవద్దని, ఇరు ముఖాల్ని సైతం దగ్గరగా రాకుండా చూసుకోవాలని హెచ్చరిస్తున్నారు. కోవిడ్-19 ప్రభావం ఏమాత్రం తగ్గని ఈ పరిస్థితిలో వీలైనన్నీ పరిమితులతో శృంగారంలో పాల్గొనడం మంచిదని సలహా ఇస్తున్నారు.

కొత్త భాగస్వాములతో శృంగారం చాలా ప్రమాదనమని, అలాంటి సమయాల్లో మరింత జాగ్రత్తగా ఉండాలని డాక్టర్ థెరెసా అంటున్నారు. ముఖ్యంగా ముద్దు వంటి సన్నిహిత సంబంధాలను దూరం పెట్టడమే మంచిదని ఆమె చెప్పుకొచ్చారు. వైరస్ వ్యాప్తికి భౌతికదూరం ఎక్కువ ప్రాధాన్యత కలిగి ఉంటుందని, శృంగారంలో భౌతిక దూరానికి తావు లేకపోవడం వల్ల.. కనీసం మాస్కులైనా ధరించి వైరస్ వ్యాప్తిని నిరోధించాలని అన్నారు.