అలస్కాలో గెలిచిన ట్రంప్‌

• డొనాల్డ్‌ ఖాతాలో మొత్తం 217 ఎలక్టోరల్‌ కాలేజ్‌ ఓట్లు
  

వాషింగ్టన్‌, నవంబరు 12: అమెరికా అధ్యక్ష ఎన్నికల కౌంటింగ్‌ అలస్కాలో బుధవారం ముగిసింది. ప్రస్తుత అధ్యక్షుడు డొనాల్డ్‌ ట్రంప్‌కు అలస్కాలో మూడు ఎలక్టోరల్‌ ఓట్లు రావడంతో ఆ రాష్ట్రంలో గెలిచారు. దీంతో ఫలితాల్లో ట్రంప్‌ సాధించిన ఎలక్టోరల్‌ కాలేజ్‌ ఓట్ల సంఖ్య 217కి పెరిగింది. అలస్కాలో ట్రంప్‌కు మొత్తం 56.9ు, బైడెన్‌కు 39.1 శాతం ఓట్లు వచ్చాయి. అదే రాష్ట్రంలోని సెనేట్‌ సీటును కూడా రిపబ్లికన్‌ పార్టీ గెలుచుకుంది. దీంతో, 100 సీట్లు ఉండే సెనేట్‌లో రిపబ్లికన్ల సంఖ్య 50కి చేరింది. సెనేట్‌లో డెమొక్రాట్ల సంఖ్య 48గా ఉంది. మరో రెండు సెనేట్‌ సీట్లకు జనవరి 5న ఎన్నికలు జరగనున్నాయి. కాగా, 538 ఎలక్టోరల్‌ కాలేజ్‌ ఎన్నికల్లో 279 ఎలక్టోరల్‌ కాలేజ్‌ ఓట్లు సాధించి ట్రంప్‌పై డెమొక్రాటిక్‌ అభ్యర్థి బైడెన్‌ ఇప్పటికే విజయం సాధించిన విషయం తెలిసిందే.