తమిళనాడులో మంత్రికి కరోనా పాజిటివ్

చెన్నై: తమిళనాడులో కరోనా మహమ్మారి విజృంభిస్తోంది. తాజాగా ఆ రాష్ట్ర ఉన్నత విద్యాశాఖ మంత్రి కేపీ అన్బళగన్ కరోనా బారిన పడ్డారు. దీంతో.. ఆయనను మణపక్కంలోని ప్రైవేట్ ఆసుపత్రికి తరలించారు. మంత్రి బుధవారం ఆసుపత్రికి వెళ్లారు. సిటీ స్కాన్ చేయించుకున్నారు. అనంతరం.. కోవిడ్-19 నిర్ధారిత పరీక్షలు చేయించుకున్నారు. ఈ టెస్టుల్లో ఆయనకు కరోనా పాజిటివ్‌గా తేలింది.

తమిళనాడులో కరోనా తీవ్రత ఎక్కువగా ఉండటంతో కట్టడి చర్యలకు సంబంధించిన అంశాలపై మంత్రి కూడా పలు సమీక్షా నిర్వహించినట్లు తెలిసింది. దీంతో.. ఈ సమావేశాలకు హాజరయిన వారందరికీ ఇప్పుడు కరోనా భయం పట్టుకుంది. సీనియర్ స్థాయి అధికారులైన హెల్త్ సెక్రటరీ జే.రాధాకృష్ణన్, చెన్నై కార్పొరేషన్ కమిషనర్ ప్రకాష్, సిటీ పోలీస్ కమిషనర్ ఏకే విశ్వనాథన్, పలువురు ఐఏఎస్ అధికారులు మంత్రి నిర్వహించిన సమావేశాల్లో పాల్గొనట్టు తెలిసింది.