నేటి నుంచి సుప్రీంలో అన్ని కేసుల విచారణ

న్యూఢిల్లీ, మే 17: సుప్రీంకోర్టులో సోమవారం నుంచి జూన్‌ 19 వరకు వీడియో, ఆడియో లింకుల ద్వారా అన్ని కేసులను విచారిస్తారు. ఈ మేరకు సుప్రీంకోర్టు కార్యకలాపాలకు సంబంధించి నూతన మార్గదర్శకాలు జారీ అయ్యాయి. లాక్‌డౌన్‌ సమయంలో అత్యవసర కేసులనే విచారిస్తున్న సంగ తి తెలిసిందే. వేసవి సెలవులను 5 వారాలపాటు వాయిదా వేయాలని ఈ నెల 15న నిర్ణయించారు. ఈ క్రమంలో ఆదివారం సుప్రీంకోర్టు రిజిస్ట్రీ తాజా మార్గదర్శకాలను జారీ చేసింది. న్యాయవాదులు, కక్షిదారులకు ఈ-ఫైలింగ్‌, వర్చువల్‌ విచారణలో సాయానికి 1881 హెల్ప్‌లైన్‌ నంబరును ఉదయం 10 నుంచి సాయంత్రం 5 గంటల్లోపు వినియోగించుకోవాలని తెలిపింది.