వర్సిటీల్లో పరీక్షల నిర్వహణను ఆపాలి

సుప్రీంలో శివసేన సహా బీహార్‌, అసోం విద్యార్థుల పిటిషన్లు 

న్యూఢిల్లీ, జూలై 27(ఆంధ్రజ్యోతి): యూనివర్సిటీల్లో చివరి ఏడాది పరీక్షలు సెప్టెంబరు 30 కల్లా పూర్తి చేయాలన్న యూజీసీ మార్గదర్శకాలను శివసేన నేత ఆదిత్య థాక్రేతో సహా, బిహార్‌, అసోం రాష్ట్రాల వర్సిటీల విద్యార్థులు సుప్రీంకోర్టులో సవాల్‌ చేశారు. ఈ పిటిషన్లకు 3 రోజుల్లో సమాధానం ఇవ్వాలని యూజీసీని సుప్రీం కోర్టు త్రిసభ్య ధర్మాసనం ఆదేశించింది. కరోనా విజృంభిస్తున్న వేళ పరీక్షల నిర్వహణను పలు రాష్ట్రాలు వ్యతిరేకిస్తున్నాయని, సాధ్యం కాని యూజీసీ మార్గదర్శకాలను రద్దు చేయాలని కోరారు.