సోనియా గాంధీ కుటుంబానికి సుప్రీంకోర్టు నోటీసులు

న్యూఢిల్లీ : ఛారిటబుల్ ట్రస్టులకు సంబంధించిన చట్టాల ఉల్లంఘన కేసుల్లో కాంగ్రెస్ అధినేత్రి సోనియా గాంధీ కుటుంబానికి సుప్రీం కోర్టు నోటీసులు ఇచ్చింది. గాంధీ కుటుంబానికి చెందిన ఈ ట్రస్టుల వ్యవహారంలో  కేంద్ర హోం శాఖ ప్రత్యేక కమిటీని ఏర్పాటు చేసిన విషయం తెలిసిందే. కాగా... ఆదాయపు పన్ను చట్టంతోపాటు ఎఫ్‌సీఆర్‌ఏ, పీఎంఎల్‌ఏ చట్టాలను రాజీవ్ గాంధీ, ఫౌండేషన్, రాజీవ్ గాంధీ ఛారిటబుల్ ట్రస్ట్ ఉల్లంఘించాయన్న ఆరోపణలున్నాయి.

చైనా నుంచి ఆ సంస్థలకు నిధులొచ్చాయంటూ భారతీయ జనతా పార్టీ సైతం తారస్థాయిలో ఆరోపణలు చేసింది. ఈ క్రమంలోనే... ఆ ట్రస్టుల లావాదేవీలపై విచారణకుగాను... ఓ ఉన్నతస్థాయి కమిటీని కేంద్ర హోం శాఖ నియమించింది. ఎన్‌ఫోర్స్‌మెంట్ డైరెక్టరేట్ కు చెందిన స్పెషల్ డైరెక్టర్ ఈ కమిటీకి నేతృత్వం వహించనున్నారు.