మహిళా హక్కుల నేతకు ఆరేళ్ల జైలు: సౌదీ కోర్టు తీర్పు
ABN , First Publish Date - 2020-12-29T09:30:06+05:30 IST
సౌదీ అరేబియాకు చెందిన మహిళా హక్కుల కార్యకర్త లౌజైన్ అల్-హత్లౌల్స్కు స్థానిక కోర్టు ఆరేళ్ల కారాగార శిక్ష విధించింది.
దుబాయ్, డిసెంబరు 28: సౌదీ అరేబియాకు చెందిన మహిళా హక్కుల కార్యకర్త లౌజైన్ అల్-హత్లౌల్స్కు స్థానిక కోర్టు ఆరేళ్ల కారాగార శిక్ష విధించింది. ఇప్పటికే గత రెండున్నరేళ్లుగా లౌజైన్ జైలులోనే ఉన్నారు. విదేశీ విధానాల ను ప్రచారం చేయడం, ఇంటర్నెట్ ద్వారా దేశంలో ఆశాంతిని రేకెత్తించడం, మార్పు కోసం విప్లవాలు చేయడం వంటి పలు నేరాలకు ఆమె పాల్పడినట్లు కోర్టు గుర్తించిందని ప్రభుత్వ అధికార వార్తా సంస్థ సబ్క్ పేర్కొంది. తీర్పుపై అప్పీలు చేసుకునేందుకు లౌజైన్కు నెలరోజుల సమయం ఉందని వివరించింది.
