గూగుల్ ప్లే స్టోర్ నుంచి పేటీఎం యాప్‌ తొలగింపు

న్యూఢిల్లీ: ప్రముఖ డిజిటల్ చెల్లింపుల సంస్థ పేటీఎం యాప్‌ను శుక్రవారం గూగుల్ ప్లే స్టోర్ నుంచి తొలగించబడింది. పేటీఎం యాప్‌ను తీసివేయడానికి గల కారణాలు ఇంకా అధికారికంగా తెలియరాలేదు. పేటీఎం యొక్క ఇతర యాప్స్ పేటీఎం బిజినెస్, పేటీఎం మాల్, పేటీఎం మనీ యాప్స్ ఇప్పటికీ ప్లే స్టోర్‌లో కనిపిస్తాయి. పేటీఎం యాప్‌ను ఎందుకు తీసివేయబడిందని తెలుసుకునేందుకు చాలా మంది వినియోగదారులు ట్విట్టర్‌లోకి వెళ్లారు.

గూగుల్ సంస్థ గూగుల్ ప్లే స్టోర్ నుంచి పేటీఎం యాప్‌ను తొలగించడంతో చాలా మంది భారతీయ వినియోగదారులను ఆందోళనకు గురి చేస్తోంది. వాస్తవానికి గూగుల్ ప్లే స్టోర్ నుంచి పేటీఎం యాప్‌ను తొలగించటానికి ప్రధాన కారణం గూగుల్ నియమాలను ఉల్లంఘించినట్లు తెలుస్తోంది. పేటీఎం సంస్థ గూగుల్ ప్లే స్టోర్ పాలసీలకు విరుద్ధంగా ఫాంటసీ స్పోర్ట్స్ సర్వీస్‌ను తన మార్క్యూ యాప్‌లో ప్రోత్సహిస్తూ వస్తోంది. ఈ మేరకు పేటీఎం సంస్థకు గూగుల్ సంస్థ చాలాసార్లు హెచ్చరికలు జారీ చేసినప్పటికీ ఆ సంస్థ పట్టించుకోలేదు.