Live
TV
అత్యధికంగా ట్రంప్‌ ‘కువకువలే’!
ABN , First Publish Date - 2020-12-10T07:33:14+05:30 IST
2020 ఏడాదికి సంబంధించి ట్విటర్‌లో అత్యధికంగా అమెరికా అధ్యక్షుడు డొనాల్డ్‌ ట్రంప్‌ గురించి జనం ట్వీట్‌ చేశారని ట్విటర్‌ సంస్థ వెల్లడించింది.
2020లో అత్యధిక ట్వీట్లు ఆయనపైనే.. ఏడో స్థానంలో మోదీ
టాప్-10 జాబితా విడుదల చేసిన ట్విటర్‌
న్యూఢిల్లీ, డిసెంబరు 9: 2020 ఏడాదికి సంబంధించి ట్విటర్‌లో అత్యధికంగా అమెరికా అధ్యక్షుడు డొనాల్డ్‌ ట్రంప్‌ గురించి జనం ట్వీట్‌ చేశారని ట్విటర్‌ సంస్థ వెల్లడించింది. ఈ మేరకు 2020 ఏడాదికి సంబంధించిన టాప్-10 లిస్ట్‌ను విడుదల చేసింది. ఈ జాబితాలో ద్వితీయ స్థానంలో అమెరికా అధ్యక్షుడిగా ఎన్నికైన జో బైడెన్‌, ఐదో స్థానంలో అమెరికా మాజీ అధ్యక్షుడు బరాక్‌ ఒబామా ఉన్నారు.
ప్రధాని మోదీకి టాప్-10లో చోటు దక్కింది. ఆయన ఏడో స్థానంలో నిలిచారు. అమెరికా ఉపాఽధ్యక్షురాలిగా ఎన్నికైన, భారత సంతతికి చెందిన కమలా హారిస్‌ పదో స్థానంలో నిలిచారు. తొలి పది స్థానాల్లో ఆమెనే ఏకైక మహిళ. కాగా ఈ ఏడాది అత్యంత ప్రజాదరణ పొందిన హ్యాష్‌ట్యాగ్‌ కొవిడ్‌-19 అని ట్విటర్‌ పేర్కొంది. కాగా ఈ ఏడాది భారత్‌లో కరోనా వైర్‌సను కాదని జనం.. ఐపీఎల్‌ గురించి సెర్చ్‌ చేశారని గూగుల్‌ ప్రకటించింది.
