రూ.2000 నోటు మోదీ వద్దన్నారు:నృపేంద్ర
ABN , First Publish Date - 2020-09-18T08:37:22+05:30 IST
పెద్ద నోట్ల రద్దు తర్వాత రూ.2000 నోటును ప్రవేశపెట్టేందుకు ప్రధాని మోదీ ఒప్పుకోలేదా? మోదీతో కలిసి పనిచేసిన నృపేంద్ర మిశ్రా అవుననే చెబుతున్నారు...
న్యూఢిల్లీ, సెప్టెంబరు 17: పెద్ద నోట్ల రద్దు తర్వాత రూ.2000 నోటును ప్రవేశపెట్టేందుకు ప్రధాని మోదీ ఒప్పుకోలేదా? మోదీతో కలిసి పనిచేసిన నృపేంద్ర మిశ్రా అవుననే చెబుతున్నారు. 2014-2019 మధ్య ప్రధానమంత్రి ముఖ్య కార్యదర్శిగా పనిచేసిన మిశ్రా ఓ పత్రికకు రాసిన వ్యాసంలో ఈ విషయాన్ని తెలిపారు. ‘‘2000 నోట్లు ముద్రించాలన్న సూచనను ప్రధాని అంగీకరించలేదు. కానీ, అప్పట్లో జరిగిన పరిణామాలకు అనుగుణంగా నడుచుకున్నారు’’ అని వెల్లడించారు. నల్లధనం, నకిలీ నోట్లను అరికట్టేందుకు గాను మోదీ సర్కారు 2016 నవంబరులో పెద్ద నోట్లు రద్దు చేసింది.
