సిబ్బంది నగ్న చిత్రాల సేకరణ: మాజీ సీఈవోపై మెక్‌డొనాల్డ్స్ ఫైర్!

లండన్: ప్రపంచ ప్రఖ్యాత ఫాస్ట్‌ఫుడ్ చైన్ మెక్‌డొనాల్డ్స్.. సంస్థ మాజీ సీఈవో స్టీవ్ ఈస్టర్‌బుక్‌పై షాకింగ్ ఆరోపణలు చేసింది. ఉద్యోగం లోంచి తొలగించే ముందు ఆఫీసులో ముగ్గురు యువతులతో అతను రాసలీలలు జరిపినట్లు తెలుస్తోంది. అంతటిలో ఆగకుండా ఆ యువతుల నగ్న చిత్రాలను అతను సేకరించినట్లు మెక్‌డొనాల్డ్స్ వెల్లడించింది. ఈ ఫొటోలను స్టీవ్ తన సొంత మెయిల్‌కు పంపుకున్నట్లు సమాచారం. దీనికోసం ఆఫీసు మెయిల్‌ను వాడుకున్నట్లు మెక్‌డొనాల్డ్స్ గుర్తించింది. ఆఫీసులో స్టీవ్ సాగించిన రాసలీలలు బయటపడటంతో ఆగ్రహించిన సంస్థ స్టీవ్‌పై కోర్టుకెక్కింది. అతను 42 మిలియన్ డాలర్ల నష్టపరిహారం చెల్లించాలని పిటిషన్‌లో పేర్కొంది.