బధిరులకు బాసటగా..

• ప్రత్యేక మాస్క్‌ తయారుచేసిన అమెరికా విద్యార్థిని
  

ఈ మాస్క్‌లు చూడటానికి వెరైటీగా ఉన్నాయి కదూ!! ఇవి అందరి కోసం కాదు.. మూగ, చెవిటి వారికి ప్రత్యేకం. సాధారణ మాస్కులు వాడలేక, వాడినా ఆ ముసుగులో హావభావాలను వ్యక్తీకరించలేక సతమతమవుతున్న మూగ, చెవిటి వారి కోసం అమెరికా విద్యార్థిని యాష్లే లారెన్స్‌ వీటిని తయారుచేసింది. ఈ మాస్క్‌లకు నోటి భాగంలో ప్లాస్టిక్‌ తొడుగు ఉంటుంది. ఫలితంగా పెదవుల కదలికల ఆధారంగా బధిరుల భాషను, భావ వ్యక్తీకరణను ఎదుటివారు సులువుగా అర్థం చేసుకునేందుకు వీలు కలుగనుంది. ఈ మాస్క్‌ డిజైన్‌తో యాష్లే చేసిన ఫేస్‌బుక్‌ పోస్టుపై నెటిజన్లు ప్రశంసలు కురిపిస్తున్నారు.