పాక్‌లో 40వేలు దాటిన కరోనా కేసులు
ABN , First Publish Date - 2020-05-18T04:16:44+05:30 IST
ప్రపంచాన్ని కరోనా మహమ్మారి వణికిస్తోంది. దాయాది దేశంలో పరిస్థితి మరీ దారుణంగా ఉంది.
ఇస్లామాబాద్: ప్రపంచాన్ని కరోనా మహమ్మారి వణికిస్తోంది. దాయాది దేశంలో పరిస్థితి మరీ దారుణంగా ఉంది. పాకిస్తాన్‌లో గడిచిన 24 గంటల్లో 1,352 కొత్త కరోనా కేసులు నమోదయ్యాయి. దీంతో ఈ దేశంలో నమోదైన మొత్తం కరోనా కేసుల సంఖ్య 40,151కి చేరింది. ఈ విషయాన్ని పాక్ ఆరోగ్య శాఖ ఆదివారం వెల్లడించింది. అలాగే కొత్తగా 39 కరోనా మరణాలు సంభవించాయని, దీంతో మొత్తం కరోనా మరణాల సంఖ్య 873కు చేరిందని తెలిపింది. ఇప్పటి వరకు దేశంలో 3.73 లక్షల కరోనా టెస్టులు నిర్వహించినట్లు అధికారులు వెల్లడించారు.
