స్థానిక నేతల సాయంతో కరోనా కట్టడి: కేంద్రం
ABN , First Publish Date - 2020-05-18T07:50:00+05:30 IST
పట్టణ ప్రాంతాల్లో కరోనా కట్టడికి ప్రత్యేక చర్యలు తీసుకోవాలని కేంద్ర ప్రభుత్వం నిర్ణయించింది. వైరస్‌ కట్టడిపై అవగాహన కల్పించేందుకు స్థానిక రాజకీయ నేతలు, మతపెద్దలు, స్వచ్ఛంద సంస్థల సహకారం తీసుకోవాలని...
న్యూఢిల్లీ, మే 17: పట్టణ ప్రాంతాల్లో కరోనా కట్టడికి ప్రత్యేక చర్యలు తీసుకోవాలని కేంద్ర ప్రభుత్వం నిర్ణయించింది. వైరస్‌ కట్టడిపై అవగాహన కల్పించేందుకు స్థానిక రాజకీయ నేతలు, మతపెద్దలు, స్వచ్ఛంద సంస్థల సహకారం తీసుకోవాలని నిర్ణయించింది. స్థానికంగా ఏ సంఘటన జరిగినా స్థానిక సంస్థలు వెంటనే స్పందించి మునిసిపల్‌ కమిషనర్‌కు సమాచారం అందించేలా చర్యలు తీసుకోనుంది. స్థానిక నేతలతో కలిసి వీరు సమన్వయ కమిటీలుగా ఏర్పడాలని పేర్కొంది. ఈ మేరకు కేంద్ర ఆరోగ్య మంత్రిత్వశాఖ మార్గదర్శకాలు విడుదల చేసింది.
