ఆడతనాన్ని ఆనందించండి : ప్రియాంక గాంధీ

న్యూఢిల్లీ : కాంగ్రెస్ ప్రధాన కార్యదర్శి ప్రియాంక గాంధీ అంతర్జాతీయ మహిళా దినోత్సవం సందర్భంగా శుభాకాంక్షలు తెలిపారు. మహిళలు ధైర్యంగా ఉండాలని, ఆడతనాన్ని ఆనందించాలని ఆదివారం ఆమె ట్విటర్ వేదికగా పేర్కొన్నారు. 

‘‘మహిళా దినోత్సవ శుభాకాంక్షలు. నా సోదరీమణులందరికీ : మిమ్మల్ని మీరు నిర్వచించుకోండి, మీ ఆడతనాన్ని ఆనందించండి, ధైర్యంగా ఉండండి’’ అని ప్రియాంక పేర్కొన్నారు. 

ప్రతి సంవత్సరం మార్చి 8న అంతర్జాతీయ మహిళా దినోత్సవాన్ని నిర్వహిస్తారు. సాంఘిక, ఆర్థిక, సాంస్కృతిక, రాజకీయ రంగాల్లో మహిళల అభివృద్ధిని ప్రోత్సహించేందుకు వివిధ కార్యక్రమాలను నిర్వహిస్తారు.