ఫోన్లో కులం పేరుతో దూషణ ఎస్సీ, ఎస్టీ చట్టం కిందకు రాదు
ABN , First Publish Date - 2020-06-01T06:32:41+05:30 IST
కులం పేరుతో మొబైల్ ఫోన్లో చేసిన దూషణలను ఎస్సీ, ఎస్టీ చట్టం, 1989 కింద నేరంగా పరిగణించలేమని పంజాబ్, హరియాణా హైకోర్టు స్పష్టం చేసింది. బహిరంగంగా కాకుండా ఫోన్లో తప్పుగా మాట్లాడటం...
- హైకోర్టు
చండీగఢ్, మే 31: కులం పేరుతో మొబైల్ ఫోన్లో చేసిన దూషణలను ఎస్సీ, ఎస్టీ చట్టం, 1989 కింద నేరంగా పరిగణించలేమని పంజాబ్, హరియాణా హైకోర్టు స్పష్టం చేసింది. బహిరంగంగా కాకుండా ఫోన్లో తప్పుగా మాట్లాడటం అనేది ఫిర్యాదుదారున్ని కించపరచాలన్న ఉద్దేశాన్ని చూపదని పేర్కొంది. ఈ మేరకు జస్టిస్ హర్నరేష్ సింగ్ గిల్ ఆదేశాలు జారీ చేశారు. ఈ కేసుకు సంబంధించి ఆరోపణలు ఎదుర్కొంటున్న ఇద్దరు కురుక్షేత్ర నివాసులపై నమోదు చేసిన ఎఫ్ఐఆర్ను కొట్టివేశారు. వీరిద్దరూ వారి గ్రామ సర్పంచ్ను కులం పేరుతో మొబైల్ ఫోన్లో దూషించడమేకాకుండా చంపుతామని బెదిరించారన్న ఆరోపణలతో ఐపీసీ, ఎస్సీ, ఎస్టీ చట్టం కింద కేసు నమోదైంది. ఈ కేసులో వాదనలు విన్న హైకోర్టు తాజా ఆదేశాలు జారీ చేసింది.
