ప్రధాని నివాస సముదాయంలో 10 భవనాలు

న్యూఢిల్లీ, డిసెంబరు 18: సెంట్రల్‌ విస్టా పునర్‌ నిర్మాణానికి సంబంధించిన కేంద్ర ప్రభుత్వ తాజా ప్రతిపాదన ప్రకారం.. ప్రధాన మంత్రి నూతన నివాస సముదాయం 15 ఎకరాల విస్తీర్ణంలో ఉండనుంది. ఇందులో గరిష్ఠంగా 12 మీటర్ల ఎత్తుతో 10 నాలుగంతస్తుల భవనాలు ఉండనున్నాయి. ప్రత్యేక రక్షణ దళానికి 2.5 ఎకరాల స్థలంలో భవనాన్ని నిర్మించనున్నారు. సెంట్రల్‌ విస్టా ప్రాజెక్టులో నూతన ఉపరాష్ట్రపతి ఎన్‌క్లేవ్‌ కూడా ఉంది. దీన్ని 15 ఎకరాల స్థలంలో నిర్మిస్తారు. ఉపరాష్ట్రపతి ఎన్‌క్లేవ్‌లో 32 భవనాలుండనున్నాయి. ఈ మేరకు పర్యావరణ, అటవీ మంత్రిత్వ శాఖ నిపుణుల కమిటీకి సమర్పించిన తాజా ప్రతిపాదనలో సీపీడబ్ల్యూడీ ఈ వివరాలు తెలియజేసింది. సెంట్రల్‌ విస్టా ప్రాజెక్టును అమలు చేస్తున్న సీపీడ బ్ల్యూడీ అంచనా వ్యయాన్ని రూ.11,794 కోట్ల నుంచి రూ.13,450 కోట్లకు పెంచింది.