కాళ్ళలో భారీ వర్షం
ABN , First Publish Date - 2020-11-04T04:53:52+05:30 IST
మండలంలోని పలు గ్రామాల్లో మంగళవారం సాయంత్రం కురిసిన భారీ వర్షానికి ప్రజలు, ప్రయాణికులు ఇబ్బందులు గురయ్యారు.
కాళ్ళ, నవంబరు 3 : మండలంలోని పలు గ్రామాల్లో మంగళవారం సాయంత్రం కురిసిన భారీ వర్షానికి ప్రజలు, ప్రయాణికులు ఇబ్బందులు గురయ్యారు. కాళ్ళ, దొడ్డనపూడి, సీసలి, కోమటిగుంట, ఏలూరుపాడు, పెదఅమిరం, కోపల్లె, వేంపాడు గ్రామాల్లో భారీ వర్షంతో రోడ్లు కాలువలను తలపించాయి. ఒక పక్క రోడ్లు పూర్తిగా పాడైపోయి గోతులు ఏర్పడిన తరుణం లో వర్షం నీరు గోతుల్లోకి చేరింది. ఇంకొక పక్క ఇప్పుడిప్పుడే కోలుకొంటున్న వరి రైతుకు వర్షం మరింత నష్టాన్ని గురిచేసిందని వాపోతున్నారు. డ్రెయి నేజీ వ్యవస్ధ సక్రమంగా లేక పల్లపు ప్రాంతాలు జలమయం అయ్యాయి.
