అర్బన్ హౌసింగ్ లబ్ధిదారులకు ఆమోద పత్రాలు
ABN , First Publish Date - 2020-11-13T06:13:00+05:30 IST
మునిసిపాలిటీలో అర్బన్ హౌసింగ్ పథకం కింద లబ్ధిదారులకు కేటాయింపు ఉత్తర్వుల పత్రాలు అందజేస్తామని కమిషనర్ ఎన్.కనకారావు తెలిపారు.
మునిసిపల్ కమిషనర్ కనకారావు
నర్సీపట్నం టౌన్, నవంబరు 12 : మునిసిపాలిటీలో అర్బన్ హౌసింగ్ పథకం కింద లబ్ధిదారులకు కేటాయింపు ఉత్తర్వుల పత్రాలు అందజేస్తామని కమిషనర్ ఎన్.కనకారావు తెలిపారు. గురువారం సచివాలయ సిబ్బందికి ఈ పత్రాలు అందజేశారు. 17 సచివాలయాల పరిధిలోని వలంటీర్లు ఇంటింటికీ వెళ్లి లబ్ధిదారులకు అందజేస్తారని చెప్పారు. 365, 430 చదరపు అడుగులు ఫ్లాట్లకు డిపాజిట్లు చెల్లించిన వారికి అందజేస్తారన్నారు. బ్యాంకు రుణాల మంజూరు కోసం వీరి నుంచి అంగీకార పత్రాలు తీసుకుంటారు.
