ఆర్మ్‌డ్‌ రిజర్వ్‌ పోలీస్‌ కార్యాలయాన్ని సందర్శించిన డీఐజీ

ABN , First Publish Date - 2020-12-30T05:33:46+05:30 IST

కైలాసగిరి ప్రాంతంలోని జిల్లా ఆర్మ్‌డ్‌ రిజర్వ్‌ పోలీస్‌ కార్యాలయాన్ని విశాఖ రేంజ్‌ డీఐజీ ఎల్‌కే రంగారావు మంగళవారం సందర్శించారు.

ఆర్మ్‌డ్‌ రిజర్వ్‌ పోలీస్‌ కార్యాలయాన్ని సందర్శించిన డీఐజీ
బ్రహ్మశ్రీ లక్ష్మణానంద గురూజీని సత్కరిస్తున్న డీఐజీ రంగారావు, ఎస్పీ కృష్ణారావు

విశాలాక్షినగర్‌, డిసెంబరు 29: కైలాసగిరి ప్రాంతంలోని జిల్లా ఆర్మ్‌డ్‌ రిజర్వ్‌ పోలీస్‌ కార్యాలయాన్ని విశాఖ రేంజ్‌ డీఐజీ ఎల్‌కే రంగారావు మంగళవారం సందర్శించారు. సంవత్సరాంతపు తనిఖీల్లో భాగంగా ఇక్కడకు వచ్చిన ఆయన కైలాసగిరి రిజర్వ్‌ మైదానంలో సిబ్బంది నుంచి డీఐజీ గౌరవ వందనం స్వీకరించారు. ఈ సందర్భంగా విజయనగరం జిల్లాకు చెందిన బ్రహ్మశ్రీ లక్ష్మణానంద గురూజీ ఆధ్యాత్మిక ప్రవచనాలు చేశారు. సిద్ధ యోగం గురించి రిజర్వ్‌ పోలీస్‌ సిబ్బందికి వివరిస్తూ... దైనందిన జీవితంలో వాటిని పాటించడం వల్ల కలిగే ఉపయోగాలను తెలియజేశారు. ఈ కార్యక్రమంలో జిల్లా ఎస్పీ బి.కృష్ణారావు, ఎస్‌ఈబీ అదనపు ఎస్పీ రాహూల్‌దేవ్‌ సింగ్‌, ఎస్‌.అప్పలనాయుడు, శాంతికుమార్‌, తదితరులు పాల్గొన్నారు. 


Updated Date - 2020-12-30T05:33:46+05:30 IST