అంగన్వాడీలకు సార్టెక్స్ బియ్యం
ABN , First Publish Date - 2020-06-03T11:09:51+05:30 IST
జిల్లాలోని అంగన్వాడీ కేంద్రాలకు నాణ్యమైన సార్టెక్స్ బియ్యాన్ని సరఫరా చేస్తున్నామని ఐసీడీఎస్ పీడీ సుధాభారతి తెలిపారు.
నెల్లూరు (వీఆర్సీ), జూన్ 2 : జిల్లాలోని అంగన్వాడీ కేంద్రాలకు నాణ్యమైన సార్టెక్స్ బియ్యాన్ని సరఫరా చేస్తున్నామని ఐసీడీఎస్ పీడీ సుధాభారతి తెలిపారు. మంగళవారం అర్బన్ ప్రాజెక్టుకు ఆమె బియ్యాన్ని పంపిణీ చేశారు. ఈ బియ్యం నూకలు, మట్టి బెడ్డలు లేకుండా నాణ్యమైనవిగా ఉంటాయన్నారు. బియ్యం లబ్ధిదారులకే చెందేలా ప్రత్యేక చర్యలు చేపట్టి, బాధ్యతను మహిళ సంరక్షణ కార్యకర్తలకు అప్పగిస్తున్నామని చెప్పారు. ఒక కేజీ సార్టెక్స్ బియ్యంలో ఐరన్ 20 మి.గ్రా., జింక్ 300 మి.గ్రా., ఫోలిక్ యాసిడ్ 1300 మి.గ్రా.తోపాటు బీ1, బీ3, బీ4, బీ6, బీ 10 విటమిన్లు ఉంటాయని వివరించారు. ఇలాంటి బియ్యంతో పోషకాహార లోపాన్ని నివారించవచ్చన్నారు. ఈ కార్యక్రమంలో అర్బన్ సీడీపీవో సత్యకుమారి, వార్డు ఇన్చార్జి సాయిసునీల్, కార్యకర్తలు పాల్గొన్నారు.