జర్నలిస్టులకు రూ.50 లక్షల బీమా ఇవ్వాలి

ఏపీయూడబ్ల్యూజే నాయకులు వినతి

నెల్లూరు (సాంస్కృతికం), ఏప్రిల్‌ 25 : కరోనా విపత్కర పరిస్థితుల్లో  ప్రాణాలను  సైతం లెక్కచేయకుండా విధులు నిర్వహిస్తున్న జర్నలిస్టులకూ రూ.50 లక్షల బీమా సదుపాయాన్ని కల్పించాలని ఏపీయూడబ్ల్యూజే నాయకులు రాష్ట్ర మంత్రులు మేకపాటి గౌతమ్‌రెడ్డి, పి.అనిల్‌కుమార్‌యాదవ్‌లను కోరారు. శనివారం మంత్రులకు వారు వినతిపత్రం అందజేశారు. ఈ సందర్భంగా వారు మాట్లాడుతూ మార్చి 31తో ముగిసిన జర్నలిస్టు హెల్త్‌కార్డులు 20202-21 సంవత్సరానికి సంబంధించి అంతరాయం లేకుండా కొనసాగించాలని కోరారు. విధుల్లో ఉన్న జర్నలిస్టులకు పీపీఈ కిట్లు, మాస్క్‌లు, శానిటైజర్‌లు ఇవ్వాలన్నారు. జర్నలిస్టులను ఆర్థికంగానూ, ఆరోగ్యపరంగానూ ఆదుకోవాలని కోరారు. కార్యక్రమంలో ఏపీయూడబ్ల్యూజే రాష్ట్ర కార్యదర్శి జయప్రకాష్‌, నెల్లూరు జిల్లా అధ్యక్షుడు వల్లూరు వెంకటేశ్వర్లు పాల్గొన్నారు.