రాజకీయ లబ్ధి కోసమే తప్పుడు ప్రచారం
ABN , First Publish Date - 2020-04-25T10:21:41+05:30 IST
రాజకీయ లబ్ధి కోసమే తనపై తప్పుడు ప్రచారం చేస్తున్నారని ఎమ్మెల్యే హఫీజ్‌ఖాన్‌ అన్నారు
ఎమ్మెల్యే హఫీజ్‌ఖాన్‌
కర్నూలు(న్యూసిటీ), ఏప్రిల్‌ 24: రాజకీయ లబ్ధి కోసమే తనపై తప్పుడు ప్రచారం చేస్తున్నారని ఎమ్మెల్యే హఫీజ్‌ఖాన్‌ అన్నారు. శుక్రవారం కలెక్టరేట్‌ ఆవరణలోని డీపీఆర్‌వో కార్యాలయం వద్ద ఏర్పాటు చేసిన విలేఖరుల సమావేశంలో మాట్లాడుతూ విశ్వభారతి ఆసుపత్రిలో ఓ నర్సు ముస్లిం మత పెద్దకు గాయమైతే ప్రథమ చికిత్స చేసిందని.. దానిని కొం దరు సోషల్‌ మీడియాలో దుష్ప్రచారం చేశారన్నారు. ప్రాణాలకు తెగించి అధికారులు, వైద్యులు సేవలు అందిస్తుంటే వారిపై కూడా తప్పుడు ప్రచారం చేయడం సమంజసం కాదన్నారు.
