కృష్ణబాబు కాలనీలో కార్డన్‌ సెర్చ్‌

ABN , First Publish Date - 2020-12-28T06:17:42+05:30 IST

నగరంలో కృష్ణబాబు కాలనీలో వెస్ట్‌ డీఎస్పీ కె.సుప్రజ ఆధ్వర్యంలో ఆదివారం ఉదయం 5 గంటలకు కార్డన్‌ అండ్‌ సెర్చ్‌ నిర్వహించారు.

కృష్ణబాబు కాలనీలో కార్డన్‌ సెర్చ్‌
కృష్ణబాబుకాలనీలో మోహరించిన వెస్ట్‌ డీఎస్పీ సుప్రజ, పోలీస్‌ అధికారులు, సిబ్బంది

 గుంటూరు, డిసెంబరు 27: నగరంలో కృష్ణబాబు కాలనీలో వెస్ట్‌ డీఎస్పీ కె.సుప్రజ ఆధ్వర్యంలో ఆదివారం ఉదయం 5 గంటలకు కార్డన్‌ అండ్‌ సెర్చ్‌ నిర్వహించారు. నగరంపాలెం సీఐ మల్లికార్జునరావు, ఎస్‌ఐలు, సిబ్బంది పెద్ద సంఖ్యలో ఈ తనిఖీల్లో పాల్గొన్నారు. అనుమానాస్పద వ్యక్తులను విచారించడంతో పాటు వారి ఆధార్‌కార్డులను కూడా పరిశీలించారు. ఆయా వాహనాల రికార్డులను  పరిశీలించి ఎటువంటి డాక్యుమెంట్‌లు, నెంబర్‌ ప్లేట్‌లు లేని 25 ద్విచక్ర వాహనాలను సీజ్‌ చేశారు. అనుమానాస్పదంగా ఉన్న ఓ వ్యక్తిని కూడా అదుపులోకి తీసుకున్నారు. అతనిపై ఐదు కేసులు ఉన్నట్లు, కొంతకాలంగా చట్టవిరుద్ధ కార్యకలాపాల్లో  పాల్గొంటున్నట్లు నిర్ధారించారు. అనేకమంది మద్యం ప్రియలు మత్తు బిళ్ళలకు బానిసలైనట్లు పోలీసుల తనిఖీల్లో నిర్ధారించారు. కొత్తపేట, పాతగుంటూరు, లాలాపేట తదితర ప్రాంతాల్లోని మందుల షాపుల్లో ఈ మత్తు టాబ్లెట్‌లు విక్రయిస్తున్నట్లు పోలీసుల దృష్టికి వచ్చింది. ఆయా ట్యాబ్లెట్‌ల విక్రయాలను అరికట్టేందుకు చర్యలు తీసుకుంటామని డీఎస్పీ సుప్రజ తెలిపారు. వెస్ట్‌ సబ్‌ డివిజన్‌ పరిధిలోని శివారు కాలనీలు, మురికివాడలు తదితర కాలనీలపై ప్రత్యేక దృష్టి సారించనున్నట్లు పేర్కొన్నారు.

Updated Date - 2020-12-28T06:17:42+05:30 IST