రామకుప్పంలో గాలీవాన బీభత్సం
ABN , First Publish Date - 2020-05-18T11:19:48+05:30 IST
రామకుప్పం మండలంలోని పలు ప్రాంతాల్లో ఆదివారం సాయంత్రం భారీ గాలులతో కూడిన వర్షం బీభత్సం
రామకుప్పం, మే 17: రామకుప్పం మండలంలోని పలు ప్రాంతాల్లో ఆదివారం సాయంత్రం భారీ గాలులతో కూడిన వర్షం బీభత్సం సృష్టించింది. అరగంట పాటు కురిసిన వానకు, గాలికి రామకుప్పం, ముద్దనపల్లె, ఆవులకుప్పం, భగళనత్తం తదితర గ్రామాల్లో అరటి, స్వీట్‌కార్న్‌, బీన్స్‌, టమోటా తోటలు నేలకూలాయి. మామిడి కాయలు నేలరాలాయి. ముద్దనపల్లెలో దిగుబడికి వచ్చిన అరటిగెలలు నేలపాలయ్యాయి. రామకుప్పం దిగువవీధి ప్రాంతం లో వర్షపునీరు వీధుల్లోనే నిలిచింది. ఆ వీధుల్లో సీసీ రోడ్లు నిర్మించి వర్షపునీరు చెరువులోకి వెళ్లేలా చూడాలని స్థానికులు కోరుతున్నారు.
