మిత్రుడి కుటుంబానికి పూర్వ విద్యార్థుల చేయూత

నల్లమాడ,  డిసెంబరు 12: స్థానిక జడ్పీ ఉన్నత పాఠశాలలో 1997-98 సంవత్సరంలో పదో తరగతి చదివిన విద్యార్థులు తమ మిత్రుడు గాలిమిషన్‌ రవి మృతి చెందడంతో ఆకుటుంబానికి శనివారం ఆర్థికసాయం అందజేశారు. స్థానిక జడ్పీఉన్నత పాఠశాలలో పూర్వ వి ద్యార్థులు సమావేశం ఏర్పాటు చేశారు. ఈ సమావేశానికి ముఖ్య అతిథులుగా ఎస్‌ఐ శరత్‌చంద్ర, ఉపాధ్యాయుడు లక్ష్మన్నలు హాజరయ్యారు. ఈ సందర్భంగా పూర్వవిద్యార్థులు మాట్లాడుతూ మా మిత్రుడు రవి మృతి చెందాడని, అతని భార్య సుజాతకు తమ వంతు సాయంగా రూ. 1,07,500 ఆర్థికసాయం అందజేసినట్లు తెలిపారు. ఈ డబ్బులు మొ త్తాన్ని తమ మిత్రుని బిడ్డల చదువుల కోసం, వివాహాల కోసం కానీ వినియోగించుకోవాలని సూచించారు. మిత్రును కుటుంబం ఆపదల్లో ఉన్న సమయంలో ఆదుకున్న పూర్వ విద్యార్థులకు మృతుడు రవి భార్య, బిడ్డలు కృతజ్ఞతలు తెలియజేశారు.