పాలకూరలో అనేక పోషకాలు ఉంటాయి. ఈ ఆకు కూర జ్యూస్ రోజూ తాగితే వివిధ రకాల పోషకాలు అధిక మోతాదులో లభిస్తాయి.
ఇందులో విటమిన్ ఏ, సీ, కేతోపాటు ఐరన్, కాల్షియం అధిక పరిమాణంలో లభిస్తాయి.
ఈ జ్యూస్ క్రమం తప్పకుండా తీసుకోవడం వల్ల ఎన్నో రకాల దీర్ఘకాలిక వ్యాధుల నుంచి విముక్తి లభిస్తుంది.
వీటిలో యాంటీ ఆక్సిడెంట్లు సైతం పుష్కలంగా లభిస్తాయి. ఉదయాన్నే ఈ ఆకు రసం తాగడం వల్ల అద్భుతమైన ప్రయోజనాలు కలుగుతాయి.
ఈ జ్యూస్ తాగడం వల్ల రోగనిరోధక శక్తి పెరుగుతుంది. ఇన్ఫెక్షన్ల నుంచి శరీరాన్ని కాపాడుతుంది.
కంటి ఆరోగ్యానికి మంచిది. కంటికి సంబంధించిన సమస్యలను తగ్గిస్తుంది.
ఈ జ్యూస్లో పొటాషియం ఉంటుంది. ఇది రక్తపోటును నియంత్రిస్తుంది. గుండె ఆరోగ్యాన్ని సైతం మెరుగుపరుస్తుంది. తరచు గుండె సమస్యలతో బాధపడేవారు ఈ రసం తప్పకుండా తాగాల్సి ఉంటుంది.
పాలకూరలో క్యాలరీలు తక్కువగా ఉంటాయి. వీటిలో ఫైబర్ అధికంగా ఉంటుంది. ఇది శరీర బరువు తగ్గడానికి.. కొవ్వును నియంత్రించడంలో కీలక పాత్ర పోషిస్తుంది.
ఈ జ్యూస్ ఎర్ర రక్త కణాల ఉత్పత్తిని పంచుతుంది. ముఖ్యంగా మహిళల్లో ఐరన్ లోపం సమస్యలు ఉంటే ఆహారంలో తప్పకుండా పాలకూర జ్యూస్ తీసుకోవాలి.
మలబద్ధకాన్ని నివారిస్తుంది. ఈ సమస్యతో బాధపడేవారు.. ఈ జ్యూస్ తీసుకోవాలి.
ఇందులో ఉండే విటమిన్లు, యాంటీఆక్సిడెంట్లు చర్మంతోపాటు జుట్టు ఆరోగ్యాన్ని మెరుగుపరుస్తుంది. చర్మంపై మచ్చలు తగ్గిస్తుంది. జుట్టు రాలడాన్ని సైతం నియంత్రిస్తుంది.