దాదాపుగా అందరూ ఆవు, గేదె లేదంటే మేక పాలు ఉపయోగిస్తుంటారు. వీటి వల్ల కలిగే ప్రయోజనాల గురించి వినే ఉంటారు.
కానీ, ఈ రోజుల్లో అందరూ ఆశ్చర్యపోయేలా, దిగ్భ్రాంతికి గురిచేసే ఒక జీవి పాలు తరచూ వార్తల్లో నిలుస్తోంది. అది బొద్దింక పాలు..
ఒక నిర్దిష్ట జాతి బొద్దింక ఉత్పత్తి చేసే పాలు సాంప్రదాయ పాల కంటే పోషకాహారపరంగా ఎక్కువ శక్తివంతమైనవని శాస్త్రవేత్తలు పేర్కొన్నారు
డిప్లోప్టెరా పంక్టాటా అనే ప్రత్యేక జాతి బొద్దింక తన పిల్లలకు జన్మనిస్తుంది. వాటిని పోషించడానికి పాలు లాంటి పదార్థాన్ని ఉత్పత్తి చేస్తుంది.
ఈ పాలు ద్రవంగా ఉండవు. బదులుగా ప్రోటీన్-రిచ్ స్ఫటికాల రూపంలో ఉంటాయి. శాస్త్రవేత్తలు దీనికి బొద్దింక పాలు అని పేరు పెట్టారు.
బొద్దింక పాలలో దాదాపు 45శాతం ప్రోటీన్, ఆరోగ్యకరమైన కొవ్వులు, కార్బోహైడ్రేట్లు, ఒమేగా-3, ఒమేగా-9 కొవ్వు ఆమ్లాలు, విటమిన్లు, ఖనిజాలు, తొమ్మిది ముఖ్యమైన అమైనో ఆమ్లాలు ఉంటాయి.
బొద్దింక పాలు ఆవు, గేదె, మనిషి పాల కంటే దాదాపు మూడు రెట్లు ఎక్కువ కేలరీలు కలిగి ఉంటాయి. 100 గ్రాముల బొద్దింక పాలలో దాదాపు 232 కేలరీలు ఉంటాయి.
దీని ఉత్పత్తి చాలా కష్టం. కొద్ది మొత్తంలో పాలు తీయడానికి వేల కొద్దీ బొద్దింకలను చంపాల్సి ఉంటుంది. ఇంకా, ఇది మానవులకు పూర్తిగా సురక్షితమైనదని ఇంకా నిరూపించబడలేదు