పదే పదే ఫెయిల్‌ అవుతుంటే?
ABN , First Publish Date - 2022-10-04T05:30:00+05:30 IST
డాక్టర్‌! మేం ఇప్పటివరకూ పలుసార్లు ఐ.వి.ఎఫ్‌ ప్రయత్నించాం. ఆయన స్పెర్మ్‌ కౌంట్‌ సరిగానే ఉన్నా, పదే పదే ఐ.వి.ఎఫ్‌ ఎందుకు ఫెయిల్‌ అవుతోంది. కారణం ఏమై ఉంటుంది?
డాక్టర్‌! మేం ఇప్పటివరకూ పలుసార్లు ఐ.వి.ఎఫ్‌ ప్రయత్నించాం. ఆయన స్పెర్మ్‌ కౌంట్‌ సరిగానే ఉన్నా, పదే పదే ఐ.వి.ఎఫ్‌ ఎందుకు ఫెయిల్‌ అవుతోంది. కారణం ఏమై ఉంటుంది?
ఓ సోదరి, హైదరాబాద్‌
మహిళలో అండాలు, పురుషుడిలో స్పెర్మ్‌ బాగానే ఉన్నా, ఐ.వి.ఎఫ్‌ ఫెయిల్‌ అవుతూ ఉండడానికి కారణం స్పెర్మ్‌ డి.ఎన్‌.ఎలో సమస్య అయి ఉండవచ్చు. ఐ.వి.ఎ్‌ఫకు ముందు తప్పనిసరిగా స్పెర్మ్‌ డి.ఎన్‌.ఎ పరీక్ష చేయించాలి. లోపాలు ఉంటే, మందులు వాడి, సరిదిద్దుకున్న తర్వాతే ఐ.వి.ఎఫ్‌కు వెళ్లడం మంచిది. లేదంటే లక్షలు ఖర్చుపెట్టి చేయించుకునే ఐ.వి.ఎఫ్‌ ఫెయిల్‌ అయ్యే అవకాశాలు ఎక్కువ. కేవలం 7 వేల ఖరీదు చేసే ఈ పరీక్ష కోసం వెనకాడడం సరికాదు. సాధారణంగా పురుషులకు చేసే స్పెర్మ్‌ టెస్ట్‌లో వీర్యకణాల ఆకారం, కదలికలు, సంఖ్య వివరాలు మాత్రమే తెలుస్తాయి. అవన్నీ బాగానే ఉన్నా వీర్యకణాల డి.ఎన్‌.ఎలో లోపం ఉండే వీలుంది.
దీన్ని కనిపెట్టి సరిచేయకుండా ఐ.వి.ఎఫ్‌ చేయించుకుంటే గర్భధారణ జరిగినా అబార్షన్‌ అవడం, లేదా గర్భమే దాల్చకపోవడం లాంటి సమస్యలు ఎదుర్కొవలసి వస్తుంది. స్పెర్మ్‌ డి.ఎన్‌.ఎ పరీక్షలో డి.ఎన్‌.ఎ సమస్యతో కూడిన వీర్యకణాలు 30% కంటే ఎక్కువ ఉంటే ఫెర్టిలిటీ జరగదు. కాబట్టి డి.ఎన్‌.ఎ పరీక్ష చేసి, సమస్య ఉంటే సరిదిద్దుకోవాలి. ఈ విషయాన్ని ఫెర్టిలిటీ క్లినిక్‌లు కూడా నిర్లక్ష్యం చేస్తూ ఉంటాయి. చికిత్సతో సమస్య సరిదిద్దుకోవడానికి పట్టే రెండు నెలల వ్యవధిలో కస్టమర్‌ చేయిజారిపోతాడేమో అనే భయమే ఇందుకు కారణం. ఏదేమైనప్పటికీ ఐ.వి.్‌ఫకు ముందు స్పెర్మ్‌ డి.ఎన్‌.ఎ పరీక్ష చేయించడం అత్యవసరం.
డాక్టర్‌ రాహుల్‌ రెడ్డి,
ఆండ్రాలజిస్ట్‌, ఆండ్రోకేర్‌ ఆండ్రాలజీ ఇన్‌స్టిట్యూట్‌, హైదరాబాద్‌.
