టోకు ద్రవ్యోల్బణం 5 నెలల కనిష్ఠం
ABN , First Publish Date - 2022-08-17T06:18:15+05:30 IST
టోకు ధరల ఆధారి త (డబ్ల్యుపీఐ) ద్రవ్యోల్బణం క్రమంగా దిగొస్తోంది. జూలైలో ఇది 13.93 శాతంగా నమోదైంది.
న్యూఢిల్లీ: టోకు ధరల ఆధారి త (డబ్ల్యుపీఐ) ద్రవ్యోల్బణం క్రమంగా దిగొస్తోంది. జూలైలో ఇది 13.93 శాతంగా నమోదైంది. గత ఐదు నెలల్లో టోకు ద్రవ్యోల్బ ణం ఇంత తక్కువ స్థాయిలో నమోదవడం ఇదే మొదటిసారి. ఆహారోత్పత్తులు, తయారీ వస్తువుల దరలు తగ్గుమఖం పట్టడం ఇందుకు ప్రధాన కారణం. గత రెండు నెలలుగా టోకు ఽద్రవ్యోల్బణం తగ్గుముఖం పడుతోంది. ఖరీఫ్‌ దిగుబడులు చేతికొస్తే మరింత తగ్గుతుందని విశ్లేషకులంటున్నారు.
సెప్టెంబరు నాటికి మరింత ఉపశమనం: దినేశ్‌ ఖారా
సెప్టెంబరు నాటికి రిటైల్‌ ద్రవ్యోల్బణం మరింత తగ్గే అవకాశం ఉందని ఎస్‌బీఐ చైర్మన్‌ దినేశ్‌ ఖారా చెప్పారు. ముడి చమురు ధర తగ్గుముఖం పట్టడం, సరఫరాపరంగా ఏర్పడిన ఆటంకాలు క్రమంగా సర్దుమణగడం ఇందుకు కలిసొస్తాయన్నారు. బెంగళూరులో ఎస్‌బీఐ తొలి స్టార్ట్‌పల బ్రాంచ్‌ ప్రారంభం తర్వాత విలేకరులతో మాట్లాడుతూ ఆయన ఈ విషయం చెప్పారు.
