రోడ్డు ప్రమాదంలో టైగర్ వుడ్స్‌కు గాయాలు.. స్పందించిన మాజీ అధ్యక్షులు!

లాస్ ఏంజిల్స్: అగ్రరాజ్యం అమెరికాకు చెందిన ప్రఖ్యాత గోల్ఫ్ క్రీడాకారుడు టైగర్ వుడ్స్.. కారు ప్రమాదంలో తీవ్రంగా గాయపడ్డారు. ప్రస్తుతం అతను ఆసుపత్రిలో చికిత్స తీసుకుంటున్నారు. వివరాల్లోకి వెళితే.. లాస్ ఏంజిల్స్ కౌంటీలో ఉన్న రాంచో పాలో వద్ద మంగళవారం ఉదయం 7 గంటల సమయంలో టైగర్ వుడ్స్.. ప్రయాణిస్తున్న కారు అదుపుతప్పి, రోడ్డు పక్కన ఉన్న లోకలోకి పడిపోయింది. ఈ ప్రమాదంలో ఆయనకు రెండు కాళ్లకూ తీవ్ర గాయాలు అయ్యాయి. కాగా.. దీనిపై సమాచారం అందుకున్న పోలీసులు ఘటనా స్థలానికి చేరుకుని టైగర్ వుడ్స్‌ను ఆసుపత్రికి తరలించారు. ప్రస్తుతం ఆయన ఆసుపత్రిలో చికిత్స పొందుతున్నారు. ఇదిలా ఉంటే.. ఈ ఘటనపై అమెరికా మాజీ అధ్యక్షులు బరాక్ ఒబామా, డొనాల్డ్ ట్రంప్‌తోపాటు పలువురు ప్రముఖులు స్పందించారు. టైగర్ వుడ్స్ త్వరగా కోలుకోవాలని కోరుతూ ట్వీట్ చేశారు.